रूसको मस्को जाँदै गरेको यात्रुवाहक विमान अफगानिस्तानमा दुर्घटना

माघ ७, काठमाडौँ । अफगानिस्तानमा ठूलो हवाई दुर्घटना भएको छ । अफगानिस्तान मिडिया रिपोर्टहरूका अनुसार विमान आफ्नो मूल बाटोबाट हराएर बदख्सानको जेबक जिल्लाको पहाडी क्षेत्रमा दुर्घटनाग्रस्त भएको हो । हालसम्म यो विमानको पहिचानका सम्बन्धमा भारत सरकार र अफगानिस्तान सरकारबाट कुनै आधिकारिक वक्तव्य जारी गरिएको छैन ।

ट्विटरमा पोस्ट गर्दै, भारतीय नागरिक उड्डयन मन्त्रालयले भन्यो, ‘अफगानिस्तानमा भर्खरै भएको दुर्भाग्यपूर्ण विमान दुर्घटना न त भारतीय नियमित विमान हो न त भारतीय नन(शेड्युल चार्टर विमान हो। यो मोरक्कन दर्ता गरिएको सानो विमान हो। थप जानकारीको प्रतीक्षा छ।’ यसअघि अफगान मिडियामा यो विमान भारतीय भएको दाबी गरिएको थियो ।

बदख्सानको सूचना तथा संस्कृति विभागका प्रमुख जबिहुल्लाह अमिरीले यात्रुवाहक विमान बदख्सान प्रान्तको कुरान(मुन्जन र जेबक जिल्लाको तोपखाना पहाडमा दुर्घटनाग्रस्त भएको बताए। अनुसन्धानका लागि टोली पठाइएको उनले बताए । स्थानीयवासीका अनुसार आइतबार बिहान विमान दुर्घटना भएको हो । विमानमा कति यात्रु सवार थिए र दुर्घटनामा परेकाहरु कुन देशका थिए भन्ने खुल्न सकेको छैन ।