पुस १०,धादिङ “Serving the Children of the World” अर्थात ” विश्वभरका बालबालिकाहरूको सेवा” भन्ने मुख्य उद्देश्यका साथ सन् १९१५ मा अमेरिकाको मिशिगन राज्यमा स्थापना भएको किवानीस क्लबको नेपालमा १०० औँ शाखाको रुपमा धादिङ जिल्लाको धुनिबेशी नगरपालिकामा बिनोद कुमार उप्रेतीको अध्यक्षतामा किवानीस क्लब अफ स्मार्ट धुनिबेशी स्थापना भएको छ।
संस्थापक बोर्डको अध्यक्षमा बिनोद कुमार उप्रेती, President Elect मा शदिप बिक्रम शाह र अन्य पदाधिकारीहरुमा किरण उप्रेती, धन बहादुर तामाङ, शिला वस्ती, अनिल बानियाँ, अक्रुर रुपाखेती र अभिशेक पाठक र अन्य ८ जना संस्थापक सदस्यहरु छन्।
के हो किवानीस क्लब?
किवानीस क्लब एक अन्तर्राष्ट्रिय गैर-नाफामूलक संस्था हो, जसको मुख्य उद्देश्य विश्वभरिका बालबालिकाहरूको जीवनस्तर सुधार गर्नु हो। यसको स्थापना १९१५ मा अमेरिकामा भएको थियो, र हाल विश्वभरि हजारौं क्लबहरू मार्फत सामाजिक सेवाका कार्यक्रमहरू सञ्चालन गरिरहेको छ। नेपालमा किवानीस क्लबको स्थापना र विकास: नेपालमा किवानीस क्लबको यात्रा २०१५ मा दुई क्लबहरूको स्थापना संगै सुरु भयो किवानिस क्लव अफ लुम्बिनी नेपाल र किवानिस क्लव काठमाडौँ नेपाल।
२०१६ मा, कोरियाको जेजूमा आयोजित ४२औं ASPAC Convention मा नेपालले पाँच क्लबहरूको स्थापना संगै Kiwanis Nation को मान्यता प्राप्त गर्यो। २०१७ को अक्टोबरमा १० क्लबहरूको स्थापना संगै नेपाल Kiwanis Provisional District बन्यो। २०१९ मा, किवानिस अन्तराष्ट्रिय बोर्डले नेपाललाई आधिकारिक जिल्ला (District) को मान्यता दियो, जसमा ५१ क्लबहरू र १००० भन्दा बढी सदस्यहरू थिए। नेपालमा किवानिस क्लवहरूको संजाल हालसम्म नेपालमा १० वटा डिभिजनहरूमा विभाजित १०० क्लबहरू छन्, जसमा करिब १८२७ सदस्यहरू सक्रिय रूपमा संलग्न छन्। किवानिस क्लव अफ स्मार्ट धुनिवेशी पछिल्लो मान्यता प्राप्त १०० औं क्लब हो।
किवानीस नेपालका प्रमुख गतिविधिहरू शैक्षिक कार्यक्रमहरूमा विद्यालयहरूमा पुस्तकालय स्थापना, छात्रवृत्ति वितरण, र शैक्षिक सामग्रीहरूको व्यवस्था गर्नु रहेको छ । यसैगरी क्लबले स्वास्थ्य सेवाहरु समेत प्रदान गर्दै आइरहेको छ । जसमा निःशुल्क स्वास्थ्य शिविरहरू, दन्त परीक्षण, र पोषण सम्बन्धी सचेतना कार्यक्रमहरू रहेका छन्। क्लवले बाल संरक्षण अन्तर्गत बालबालिकाहरूको अधिकार संरक्षण, बालश्रम विरुद्धका अभियानहरू, र बालमैत्री वातावरणको प्रवर्द्धन गर्दै आइरहेको छ ।
यस्तै सामुदायिक सेवा अन्तर्गत सफाई अभियान, वृक्षारोपण, र प्राकृतिक प्रकोपमा राहत वितरण रहेका छन्। नेपालमा किवानिस क्लवहरूको योगदान महत्वपुर्ण रहेको छ । उनिहरुले नेपालमा बालबालिकाहरूको जीवनस्तर सुधार गर्न महत्वपूर्ण भूमिका खेलेका छन्। शिक्षा, स्वास्थ्य, र सामाजिक सेवाका क्षेत्रमा विभिन्न कार्यक्रमहरू सञ्चालन गरी, यी क्लबहरूले समाजमा सकारात्मक परिवर्तन ल्याउन योगदान पुर्याइरहेका छन्।
नेपाली कांग्रेस(१६७)
नेकपा एमाले(२३२)
माओवादी केन्द्र(१५५)
रास्वपा(२०५)
राप्रपा(२९)
जसपा नेपाल(३५)
नेकपा एस(८४)
जनमत पार्टी(६)
नागरिक उन्मुक्ति पार्टी(५)
अन्य(३२)
