मेयरमाथि आक्रमण, डुबानका बेला ‘बेपत्ता’ भएको आरोप

  • अनलाइन केन्द्र
  • / मुख्य समाचार /
  • २०८१ आश्विन २१, सोमबार (७ महिना अघि)
  • ७५ पटक पढिएको
मेयरमाथि आक्रमण, डुबानका बेला ‘बेपत्ता’ भएको आरोप

असोज २१, काठमाण्डौँ ।  वीरगञ्ज महानगरपालिकाका मेयर राजेशमान सिंहमाथि हातपात भएको छ । वडा नम्बर १७ को सडक अवलोकनमा निस्किएका मेयर सिंहमाथि स्थानीयले हातपात गरेका हुन् ।

असोज ११ र १२ गतेको अविरल वर्षापछिको  उक्त वडाका विभिन्न सडकमा पानी जमेर अरुवद्ध बनेको थियो । आज (सोमबार) दिउँसो मेयर सिंह सडक अवलोकन गर्न जाँदा केही युवाले हातपात गरेको उनका स्वकीय सचिव सत्यराज घिमिरेले जानकारी दिएका छन् ।

मेयर सिंह सडकमा जमेको पानीलाई कसरी हटाउन सकिन्छ भनेर अवलोकनका लागि गएका बेला स्थानीय युवाहरुले आएर हातपात गरेको तर नगर प्रहरीले तत्कालै झडप साम्य बनाएको उनले जानकारी दिए । सडक अवरुद्ध भएको डेढ हप्तासम्म मेयरले कुनै चासो नदिएको स्थानीयको आरोप छ । आफूहरुको पहलमा पानी कटाई  सकेपछि काम देखाउनकै लागि मेयर सिंह पुगेपछि विवाद सिर्जना भएको स्थानीय बताउँछन् । डुबानका बेला नदेखिएका मेयर मौसम सुधार भई घाम लाग्न थालेपछि देखिएको भन्दै स्थानीय आक्रोशित बनेका हुन् ।

ताजा अपडेट

खोजी गर्नुहोस