कालापानी विवाद सामाधानका लागि प्रधानमन्त्री ओलीको सक्रियता, डाके सर्वदलिय बैठक

कात्तिक २२, काठमाडौं । भारतले नेपालको कालापानी क्षेत्रमा पर्ने लिम्पियाधुरा, लिपुलेक आफ्नो नक्सामा राखेपछि त्यसबारे परामर्श गर्न प्रधानमन्त्री केपी शर्मा ओलीले संसदका दलहरूलाई बोलाएका छन्।

ओलीले शनिबार दिउँसो ४ बजे मुख्य राजनीतिक दलका नेताहरूसँगको बैठक डाकेको उनका प्रेस सल्लाहकार कुन्दन अर्यालले जानकारी दिए।

‘भारतको नयाँ नक्साबारे आफ्नो नक्साबारे सरकारले आफ्नो धारणा सार्वजनिक गरिसकेको छ। प्रतिपक्ष दलहरूले पनि त्यसबारे आफ्नो धारणा बताइरहेका छन्। भारतसँग समयअनुसार सम्बन्ध कसरी अघि बढाउने भन्नेबारे प्रधानमन्त्रीले सबै दलसँग परामर्श गर्नुहुनेछ,’ उनले भने।

बैठकमा सबै पार्टीका पूर्व परराष्ट्रमन्त्रीहरूसमेत आउने उनले बताए।