भारतमा अब विदेशी लगानी कर्ताले उद्योग सञ्चालन गर्न सक्ने !

असोज १४, काठमाडौं । भारतीय प्रधानमन्त्री नरेन्द्र मोदीले भारतलाई विदेशी लगानीकर्ताको केन्द्रका रुपमा स्थापीत गरेका छन् । यसअघि लेबर सम्बन्धी कानूनका कारण विदेशी लगानी वातावरणमा केही समस्या रहेको थियो । तर, भारतीय प्रधानमन्त्री नरेन्द्र मोदीले लेबर सम्बन्धी कानून संशोधन गरेसँगै अब भारत विदेशी लगानीकर्ताहरुका लागि एक नयाँ सुनौलो गन्तव्यका रुपमा स्थापीत भएको छ । भारतमा अब ज्याला सम्बन्धी कानूनको युग फेरिएको छ र सहजै विदेशी कम्पनीहरूले लगानी गरेर उद्योग धन्दा चलाउन सक्नेछन् । सन् १९९१ देखि आर्थिक समृद्धि एवं विदेशी लगानी भित्र्याउन खोजेको भारतलाई लेबर अर्थात श्रमीक कानुनले केही बाधा दिँदै आएको थियो । श्रम सम्बन्धी ४४ कानून रहेको अवस्थामा ति कानूनलाई ५ प्रधानमन्त्रीले परिवर्तन एवं संशोधन गर्न सकेका थिएनन् ।