एएफसी यू–१७ एसिया कप छनोटमा नेपालको समूह ‘एफ’

जेठ १०, काठमाण्डौ । एएफसी यू–१७ एसिया कप छनोटमा नेपाल समूह ‘एफ’ मा परेको छ । एएफसीले मंगलबार सार्वजनिक गरेको समूह विभाजनअनुसार समूह ‘एफ’ मा नेपालसहित थाइल्याण्ड, भियतनाम र चाइनिज ताइपेई रहेका छन् । यो समूहको छनोट खेल भियतनाममा अक्टोबर १ देखि ९ सम्म हुनेछन् ।

एएफसीले छनोटका सहभागी ४४ टोलीलाई १० समूहमा विभाजन गरेको छ । छनोटबाट प्रत्येक समूहका विजेता तथा उत्कृष्ट पाँच उपविजेताले अर्को वर्ष बहराइनमा हुने यु–१७ एसियन कपमा स्थान बनाउने छन् ।