यसबर्षको बजेट राष्ट्रियसभाबाट बहुमतले पारित

प्रतिनिधिसभाबाट सन्देशसहित गएको विनियोजन विधेयक २०७७ (बजेट) राष्ट्रियसभाबाट पनि पारित भएको छ ।

अर्थमन्त्री डा.युवराज खतिवडाले पारित गरियोस् भन्ने प्रस्ताव राष्ट्रिय सभामा राखेका थिए ।

पक्षमा बहुमत सदस्यले हात उठाएपछि राष्ट्रियसभा अध्यक्ष गणेश तिमिल्सिनाले विनियोजन विधेयक बहुमतले पारित भएको घोषणा गरेका हुन् ।

त्यसअघि सांसदहरुले राखेको खर्च कटौतीसम्बन्धी प्रस्तावलाई सदनले बहुमतले अस्वीकृत गरेको थियो ।

राष्ट्रियसभाको अर्को बैठक असार ५ गते अर्थात भोलि बिहान ११ बजे बस्नेछ ।