क्यानडामा तापक्रम झन्डै ५० डिग्री, गर्मीकै कारण १३० जनाको मृत्यु !

असार १६, काठमाण्डौ । उत्तर अमेरिकी मुलुक क्यानडामा अहिलेसम्मकै अत्याधिक गर्मी भएको छ । मंगलबार त्यहाँ ४९.६ डिग्री तापक्रम पुगेको थियो, जुन अहिलेसम्मकै बढी हो । बिबिसीका अनुसार क्यानडाको ब्रिटिस कोलम्बियास्थित लिट्टनमा लगातार तीन दिनसम्म ४५ डिग्रीभन्दा बढी तापक्रमको गर्मी भएको हो ।

गर्मी हुँदा क्यानडामा मात्रै शुक्रबारयता एक सय ३० जनाले ज्यान गुमाइसकेको भ्यानकुभर प्रहरीले जनाएको छ । मृत्यु हुनेहरू प्राय बिरामी वा वृद्ध वृद्धा छन् । उनीहरूको मृत्यु हुनुको प्रमुख कारण गर्मी नै भएको बताइएको छ ।