स्ववियु निर्वाचनको चटारो : अनेरास्ववियूले १५ दिनभित्र सबै उम्मेदवार टुंग्याउने

माघ ६, काठमाण्डौ । स्वतन्त्र विद्यार्थी युनियन (स्ववियु) को चुनावका लागि १५ दिनभित्र उम्मेदवारको टुंगो लाग्‍ने भएको छ । आगामी फागुन १४ गते हुने निर्वाचनका लागि नेकपा सम्बद्ध विद्यार्थी संगठन अनेरास्ववियू (अखिल)का केन्द्रीय सचिव सुदेश पराजुलीले सबै विश्व विद्यालयहरूमा स्‍ववियु उम्मेदवारको टुंगो लाग्‍ने बताए ।

त्रिभुवन विश्वविद्यालयले फागुन १४ गते स्ववियु निर्वाचन गर्ने मिति सार्वजनिक गरिसकेको छ । अखिलका सचिव पराजुलीले केन्द्रीय कमिटीको बैठकले पनि निर्वाचनका लागि तीव्र तयारी थाल्ने निर्णय गरेसँगै १५ दिनभित्रमा नेतृत्वकर्ता चुनिने बताए । यही चुनावबाटै विद्यार्थी आन्दोलनको शाख उठाउने उनले बताए । निर्वाचनका लागि सबै विश्वविद्यालयका प्रशासनहरूलाई जानकारी दिएको बताए ।

काठमाडौं विश्वविद्यालयमा अन्योल त्रिभुवन विश्वविद्यालयले फागुन १४ गते स्ववियुको निर्वाचन गर्ने तय गरे पनि काठमाडौं विश्वविद्यालयमा भने स्ववियु निर्वाचनमा अन्योलता देखिएको छ। कर्मचारीहरूले विभिन्न माग राखेर विद्यालयमा ताला लगाएको छ।