राष्ट्रियसभा निर्वाचनः भोली बिहीबार बिहान १० देखि अपराह्न ४ बजेसम्म मतदान हुने

माघ ८, काठमाण्डौ । राष्ट्रियसभा सदस्यको निर्वाचन मुलुकका सातै प्रदेशमा भोली बिहीबार बिहानदेखि सुरु हुँदैछ । कुल १८ पदका लागि बिहान १० देखि अपराह्न ४ बजेसम्म हुने मतदानका लागि मतदान अधिकृत र सुरक्षाकर्मीसहितको टोली मतदानस्थलमा पुगेर मतदान केन्द्र समेत निर्माण गरिसकेको पत्रकार सम्मेलनमा प्रमुख निर्वाचन आयुक्त दिनेशकुमार थपलियाले जानकारी दिए ।

निर्वाचन आयोगका अनुसार मतदान हुने जिल्ला सदरमुकाममा प्रदेशसभा सदस्य तथा नगरपालिकाका प्रमुख र उपप्रमुख तथा गाउँपालिकाका अध्यक्ष र उपाध्यक्ष मतदानका लागि आजै साँझसम्म पुगिसक्ने छन् ।