बाजुरामा नेपाल टेलिकमको जिप दुर्घटना,कार्यालय प्रमुखसहित ३ जनाको मृत्यु

जेठ १३,बाजुरा । नेपाल टेलिकमको जिप बाजुरामा दुर्घटना हुँदा तीन जनाको घटनास्थलमै मृत्यु भएको छ। बा ५च २२०९ नम्बरको जिप दुर्घटनामा परेको हो।

दुर्घटनामा धनगढी उपमहानगरपालिका घर भई हाल नेपाल टेलिकम बाजुराका कार्यालय प्रमुख ५५ वर्षीय लोकबहादुर खड्का, जिप चालक ४० वर्षीय करन महतरा र बडीमालिका नगरपालिका–७ निवासी २८ वर्षीय रवीन्द्र धामीको मृत्यु भएको जिल्ला प्रहरी कार्यालय बाजुराले जानकारी दिएको छ ।

जिपमा सवार अन्य दुई जना नन्दराम तिरुवा र लोकेन्द्र तिरुवा घाइते भएको प्रहरीले जनाएको छ। उनीहरूलाई उपचारका लागि निसर्ग अस्पताल ल्याइएको छ।