प्रचण्ड-नेपाल माइतीघरको धर्नामा सहभागी

माघ १८, काठमाडौं । माइतीघरमा जारी धर्नामा नेपाल कम्युनिष्ट पार्टीको दाहाल-नेपाल समूहका अध्यक्ष पुष्पकमल दाहाल प्रचण्ड र माधव नेपाल पनि सहभागी भएका छन् ।

प्रतिनिधिसभा विघटनको विरोधमा पार्टीका संघीय र प्रदेश सांसदहरुले आइतबार काठमाडौँको माइतीघर मण्डलामा धर्ना दिइरहेका छन् । धर्नामा नारायणकाजी श्रेष्ठ, अष्टलक्ष्मी शाक्य, पम्फा भुसाल लगायतका नेताहरु पनि सहभागी छन् ।