कुलमान हटाउने निर्णयमा कांग्रेसकै आपत्ती

  • अनलाइन केन्द्र
  • / नेपाली कांग्रेस /
  • २०८१ चैत्र १२, मंगलबार (१ महिना अघि)
  • ३५ पटक पढिएको
कुलमान हटाउने निर्णयमा कांग्रेसकै आपत्ती

चैत्र १२,काठमाडौँ । सत्तारुढ नेपाली कांग्रेस सांसदले नेपाल विद्युत प्राधिकरणका कार्यकारी निर्देशक कुलमान घिसिङबारे सरकारले गरेको निर्णयमा पुनर्विचार गर्न सरकारलाई आग्रह गर्नुपर्ने बताएका छन् । मंगलबार प्रतिनिधि सभा अन्तर्गतको सार्वजनिक लेखा समितिको बैठकमा कांग्रेसका सांसदले यस्तो प्रस्ताव राखेका हुन् ।

सार्वजनिक लेखा समितिका पूर्वसभापति समेत रहेका कांग्रेसका सांसद रामकृष्ण यादवले पुनर्विचार गर्न पत्र पठाउने प्रस्ताव राखेका हुन् ।

‘उहाँ (कुलमान घिसिङ)लाई नहटाउनु पर्ने थियो । अहिले चर्चा परिचर्चा भएको छ । अब लेखा समितिका तर्फबाट प्रधानमन्त्रीलाई पुनर्विचार गर्न पत्र पठाऔं’ उनले भने ।

सोमबार बसेको मन्त्रिपरिषदको बैठकले घिसिङलाई प्राधिकरणको कार्यकारी निर्देशकबाट हटाउने निर्णय गरेको छ । तर, मन्त्रिपरिषदको निर्णयमा मुख्यसचिव एकनारायण अर्यालले हस्ताक्षर गर्न बाँकी रहेकोले कुलमान घिसिङले पदबाट हटेको पत्र पाएका छैनन् ।

यो अवस्थामा घिसिङलाई पदबाट हटाउने निर्णयमा पुर्नबिचार गर्न सकिने भन्दै कांग्रेस सांसद यादवले प्रधानमन्त्रीलाई पत्र पठाउने प्रस्ताव गरेका हुन् ।

ताजा अपडेट

खोजी गर्नुहोस