एमसीसी अनुमोदनलाई सरकारले थप समय माग्ने करिब निश्चित

असार १०, काठमाडौं । पार्टीमा सहमति जुट्न नसकेपछि अमेरिकी सहयोग नियोग मिलेनियम च्यालेन्ज कर्पोरेसन एमसीसी सँगको कम्प्याक्ट सम्झौता संसदवाट अनुमोदनका लागि सरकारले थप समय माग्ने करिब निश्चित भएको छ । एमसीसीको वजेट कार्यान्वयन इकाई मिलेनियम च्यालेन्ज एकाउन्ट एमसिए नेपालले सरकारलाई संसदवाट सम्झौता अनुमोदन गर्न दिएको म्याद असार १६ मा सकिँदैछ । नेकपाले यस विषयमा पार्टी स्थायी समिति वैठकमा छलफलको तयारी गरेको छ ।