१५ दिन अगावै नेपाल भित्रियो मनसुन

जेठ १६, काठमाडौं । नेपालमा १५ दिन अगावै मनसुन भित्रिएको छ । यो वर्षको मनुसन बिहीबार (जेठ १५) राति नेपाल प्रवेश गरेको हो ।

मनसुन पूर्वबाट प्रवेश गरी कोसी प्रदेशका अधिकांश भूभागमा विस्तार भएको मौसम पूर्वानुमान महाशाखाले जनाएको छ । जसको कारण अहिले कोसी प्रदेशका अधिकांश स्थानमा हल्कादेखि मध्यम मनसुनी वर्षा भएको छ ।

यसपालि तथ्यांक राख्न थालेयताकै सबैभन्दा छिटो मनसुन नेपाल प्रवेश गरेको हो । मनसुन भित्रिने सरदर मिति भने जुन १३ मा थियो ।