पक्राउ परेका मध्ये शसस्त्र प्रहरीमा कार्यरत भिमबहादुर मगर उपराष्ट्रपति पुनको वाहालवाला सवारी चालक भएको डिभिजन वन कार्यालयका एक कर्मचारीले जानकारी दिए । यसअघि उनी नेपाल कम्युनिष्ट पार्टी नेकपाका कार्यकारी अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ को सवारी चालकका रुपमा कार्यरत रहेको बताइएको छ । सालकसहित प्रहरीले धादिङ घरभई काठमाण्डौ महानगरपालिका–२६ कपुरधारा बस्ने २७ वर्षीय ध्रुबबहादुर मगर र सोही ठाउँमा घरभई काठमाण्डौ महानगरपालिका–२६ लैनचौर बस्ने ३१ वर्षीय भिमबहादुरलाई पक्राउ गरेको थियो । धादिङ्गबाट सालक बिक्रीका लागि लिएर आएको र सालक अरु कसैले अर्को पक्षलाई दिन पठाएको पक्राउ परेकाले बयान दिएको प्रहरीको भनाई छ ।
अनुसन्धानको क्रममा गर्भवती सालकले प्रहरी परिसर मै बच्चा जन्माएको जानकारी दिदै प्रहरीले पक्राउ परेकाको थप अनुसन्धान र कारबाही डिभिजन वन कार्यालय भक्तपुरले गर्ने भएकाले वन कार्यालयलाई बुझाएको बताएको छ । वन कार्यालयका कर्मचारी र प्रहरी श्रोतका अनुसार पक्राउ परेका दुबै पूर्वमाओवादी निकट समेत हुन् ।
पदीय आड र पहुँचको भरमा मगरलाई कडा कारबाही प्रक्रिया अगाडि नबढाई वन कार्यालयले फितलो रुपमा मुद्धा चलाउने सम्भावना रहेको गुनासो आएको छ ।
उनीहरूबाट विभिन्न बैंकको चेक बुक, भौचर तथा एटिएम कार्ड, १ थान नागरिकता प्रमाणपत्र, पेन ड्राइभ, ३ थान राजश्व तिरेको बिल, ४ थान मोबाइल, भीमबहादुर थापाको सवारी चालक अनुमतिपत्र तथा सशस्त्र प्रहरी बलको परिचयपत्र समेत प्रहरीले बरामद गरेको छ।
