नेता डा. शेखर कोइराला भन्छन्-‘ओली सरकार भ्रष्टाचारको चाङमाथी उभियो’

जेठ ३०, काठमाण्डौ । कांग्रेस नेता डा शेखर कोइरालाले केपी ओली नेतृत्वको सरकार भ्रष्टाचारको चाङमाथी उभिएको बताएका छन् । मुलुक कोरोना संक्रमणसँग जुधिरहेको बेला नेकपाको सरकार कोरोना स्वास्थ्य सामग्री खरिदमै भ्रष्टाचार गरेर बसेको डा कोइरालाको तर्क छ ।डा कोइरालाले फेसवुकमा स्टाटस पोस्ट गर्दै बर्तमान सरकारले आरडिटी, पिसिआर खरिदमा भ्रष्टाचार गरेको बताएका छन् ।

यसैगरी लकडाउनका बेला घरभित्रै भोकभोकै रहेका नागरिकलाई भनेर वितरण गरीएको राहतमा पनि सरकारले भ्रष्टाचार गरेको डा। कोइरालाको दावि छ । विदेशी भुमी खासगरी भारतीय भूमिबाट नेपाल आएका नागरिकलाई राख्न बनाइएको क्वारेन्टाइनमा समेत सरकारले भ्रष्टाचार गरेको डा। कोइरालाले उल्लेख गरेका छन् ।