माइतीघरमा आत्मदाहको प्रयास गरेका नीरजकुमारले पाए नागरिकता

असार ११, काठमाडौँ । मोरङका नीरजकुमार कामतले नेपाली नागरिकता पाएका छन् ।

२६ वर्षीय कामतले जिल्ला प्रशासन कार्यालय मोरङबाट नागरिकताको प्रमाणपत्र लिएका हुन् ।

उनले केही दिनअघि काठमाडौंको माइतीघर मण्डलामा नागरिकता माग गर्दै भएको आन्दोलनमा आत्मदाहको प्रयास गरेका थिए । प्रहरीले तत्काल ठूलो घटना हुनबाट जोगाएको थियो । उनी मोरङ कटहरी गाउँपालिका(४ का किसुनदेव कामत र गुलाबदेवी चौधरीका जेठो छोरा हुन्।