माधब नेपाल निकट युवासंघको डेल्टा भेरियन्ट विरुद्ध कार्यक्रम सम्पन्न

साउन ३२, काठमाडौं । नेकपा एमाले माधब नेपाल निकट युवासंघ नेपाल वागमति प्रदेश कमिटिको आयोजनामा कोभिड १९ को डेल्टा भेरियन्ट विरुद्ध जनचेतना कार्यक्रम सम्पन्न भएको छ।

युवासंघ नेपाल वागमति प्रदेश कमिटिको आयोजना तथा जिल्ला कमिटिको संयोजनमा उपत्यका लगाएत दशैवटा जिल्लाका सदरमुकामहरुमा जनचेतनामूलक कार्यक्रम सम्पन्न भएको हो।

युवासंघ नेपालका उपाध्यक्ष तथा संगठन विभाग प्रमुख नितेश पौड्यालले काठमाडौंको रत्नपार्कमा एक कार्यक्रमका विच उद्घाटन गरेको जनचेतना कार्यक्रम काठमाडौंको ३ स्थान, ललितपुर, भक्तपुरका २/२ स्थान र प्रदेशका सवै जिल्ला सदरमुकामहरुमा कोभिड सम्बन्धित सुचना प्रदान कार्यक्रम सम्पन्न भएको हो।

कार्यक्रममा भौतिकदुरी कायमगर्दै कोभिड १९ डेल्टा भेरियन्टबाट जोगिन अनुरोध गर्दै मास्क लगाउन अनुरोध गरिनुका साथै मास्क समेत वितरण गरिएको युवासंघ नेपालका उप-महासचिव तथा प्रदेश कमिटी ईन्चार्ज रोशन थापाले जानकारी दिए ।