प्रतिनिधि सभाको बैठक ३० चैत्रमा बस्ने, राष्ट्रिय सभाको बैठक अनिश्चितकालीन स्थगित !

चैत्र २१, काठमाण्डौ । प्रतिनिधि सभाको बैठक फेरि सारिएको छ । यसअघि ७ चैतमा बस्ने भनिएको बैठक १३ चैतका लागि सारिएको थियो । बन्दाबन्दी सुरु भएकाले २३ चैत आइतबार सम्म सारिएको थियो । तर कोभिड १९ को जोखिमका कारण बन्दाबन्दी कायम रहेकाले फेरि बैठक सारिएको सूचना संसद सचिवालयले शुक्रबार निकालेको हो ।

सूचना अनुसार अब प्रतिनिधि सभाको बैठक ३० चैत दिउसो १ बजे बस्नेछ । राष्ट्रिय सभाको बैठक भने अनिश्चितकालका लागि स्थगित गरिएको छ ।