सरकारको महत्वपूर्ण निर्णयकै कारण हालसम्म नेपालमा कुनै अप्रिय घटना भएको छैन् : नेता रोकाहा

चैत्र ३०,काठमाडौँ । युवासंघ नेपालका नेता सञ्जिव रोकाहाले विश्वमा महामारिको रुपमा फैलिएको कोरोना भाइरस (कोभिड–१९)को रोकथाम तथा नियन्त्रणमा अन्य विकसित मुलुकको तुलनामा नेपाल सरकारको महत्वपूर्ण निर्णयकै कारण हालसम्म नेपालमा कुनै अप्रिय घटना नभएको बताएका छन। उनले दुई छिमेकी मुलुकमा कोरोनाको संक्रमणले ठूलो चुनौति खडा गरेको औल्याउदै चीन र भारतकोबीचमा रहेको नेपालले कोरोनाको रोकथाम तथा नियन्त्रणमा देखाएको तदारुकता तथा प्रकृया हाल विश्वमा एक उदाहरणीय रहेको दावी गरेका हुन् ।

नेता रोकाहा भन्छन–नेपाल अविकसित मुलुक जसमा पनि भुपरिवेष्ठीत राष्ट्र । जसले गर्दा कुनै पनि कुरामा छिमेकी मुलुकको मुख ताक्नै पर्ने बाध्यता रहँदा रहँदै पनि कोरोनाको रोकथाममा मजबुद हुँदै गएको छ । हिजो स्वाब परिक्षण गर्न स्वदेशमा कुनै ल्याब थिएन र हामी विदेशको ल्याबमा भर पर्नु पर्थ्यो । बिस्तारै टेकु हुँदै आज देश भर प्रत्येक प्रदेश र ठूला अस्पतालले कोरोना परिक्षण गर्दै दैनिक करिब पाँच सय परिक्षण भइरहेका छन् ।

नेता रोकाहाले सरकारले दैनिक र्यापिड टेस्ट सहित विभिन्न माध्यमबाट करिब दस हजार बढी टेस्ट गर्ने क्षमता बनाउँदै कोरोना कम प्रभावित विश्वका दश देशको सूचीमा नेपाल रहेको बताए। दक्षिण एसियामा भुटान (पाँच जना सङ्क्रमित) पछाडि हाम्रो देश छ । दक्षिण एसिया मै नेपालले पहिलो पटक सिमा बन्द र हवाइ यातायात बन्द गरेको थियो भने सरकारले लागू गरेको लक डाउन पालनामा पनि अन्य देशको तुलनामा हामी सतर्क देखिएको छ।

उनले भनेका छन–”हिजो सिमित साधन र उपकरणका बिच यो सफलता प्राप्त भएको र आगामी दिनमा विभिन्न माध्यमबाट प्रसस्त उपकरण र औषधि सहित अस्पतालहरु बन्दै गरेको अवस्था छ । विश्वका महाशक्ती राष्ट्रमा औषधि उपकरणको हाहाकार छ । अर्कै देशले बुक गरेका सामाग्री अन्य देशले महङ्गो मूल्य तिरेर लगेको समाचार सुनिन्छ ।

आज सरकारले आवश्यक तयारी गरेका कारण नै हामी मजबुद बन्दै छौ । यो सबै प्रकृयामा माननीय स्वास्थ मन्त्री भानुभक्त ढकाल ज्यु, दिन रात खटेर विभिन्न पक्ष्यसँग सल्लाह सुझाव लिइ निर्णय गरेका कारण यो सम्भव भएको हो ।

साथै उच्चस्तरीय समिती मार्फत माननीय उपप्रधानमन्त्री ईश्वर पोख्रेलले सम्पूर्ण कुराको नेतृत्व लिदै आवश्यक निर्णय गरेर अगाडि बढ्नु भएको छ । माननीय इस्वर पोख्रेल नेतृत्वको समितीले विभिन्न उपसमिती गठन गरि नियमित योजना र निर्देशन दिएका कारण आज यो सकारात्मक परिस्थिती बन्दै गएको हो भन्ने स्पष्ट रहेको छ ।

आफ्नो स्वास्थमा जटिलताका बाबजुद सम्माननीय प्रधानमन्त्री ज्यु,ले सम्पूर्ण प्रकृयाको मुख्य नेतृत्व गर्दै दिन रात खटिनु भएको छ । विभिन्न प्रदेश तथा राजनैतिक दलसँग सहकार्य गर्न माननीय मन्त्री ज्यु,हरुले जिम्मा प्राप्त गर्नु भइ काम गरिरहुन भएको छ ।

कल सेन्टर मोबाइल एप्स अनि वडा कार्यालय मार्फत प्राप्त भएका विवरण अनुसार सम्भावित सङ्क्रमितको स्कृनिङ गर्दै परिक्षण समेत गरिदै छ । हरेक प्रदेकाका मुख्य मन्त्री तथा प्रदेश सरकारले आ आफ्नो भुगोलमा दिन रात खट्नु भएको छ भने सम्पूर्ण स्थानीय तहलाई बिरामीको पहिचान बिदेशबाट आएकाको पहिचान र निम्न आयस्रोत भएका मजदुर र गरिब परिवारलाई राहात तथा खाद्यान्न वितरण गरिएको छ ।

आजसम्म करिब चार लाख परिवारले राहात पाएको र विभिन्न ठाउँमा अभर परेकाको उद्दार र सहयोग जारी छ । आज हामीले कम विश्वास गरेका सरकारी अस्पतालहरु जनता प्रती उत्यरदायी बनेका छन भने नीजि अस्पतालहरु बिस्तारै सरकारको निर्देशन अनुरुप चल्न खोज्दै छन ।

स्वास्थकर्मी सुरक्ष्याकर्मी र स्वयम् सेवकको मनोबल हामीले जति उच्च राख्न सक्यौ त्यति नै हामीले यो काममा विजय प्राप्त हुन सक्छ । तसर्थ सरकारको निर्देशनलाई पालना गरेर हामी सबैले सहयोग गर्दा नै यो परिस्थितीबाट हामी पार हुन सक्छौ । बाँकी विषय केही रहे हामी सबै बाचेर नै सवाल जवाफ गरौला नि ।”