संसदको दुवै सदनमा आज बजेटमाथि छलफल हुने

जेठ २१, काठमाडौं । संघीय संसदको दुवै सदनको बैठक आज बुधबार बस्दैछ । प्रतिनिधिसभाको बैठक अपराह्न १ बजे बस्नेछ भने राष्ट्रियसभाको बैठक अपराह्न १ः१५ बजे बस्नेछ ।

प्रतिनिधिसभाको बैठकमा अर्थमन्त्री विष्णुप्रसाद पौडेलले वक्तव्यसहित ‘ आर्थिक वर्ष २०८२/८३ को राजस्व र व्ययको वार्षिक अनुमानमाथि सामान्य छलफल गरियोस्’ भन्ने प्रस्ताव पेश गर्ने र प्रस्तावमाथि छलफल हुने कार्यसूची छ ।

यस्तै, राज्य व्यवस्था तथा सुशासन समितिका सभापति रामहरि खतिवडाले ‘सङ्घीय निजामति सेवा विधेयकसम्बन्धी समितिको प्रतिवेदन, २०८२’ पेश गर्ने कार्यसूची छ ।

राष्ट्रियसभाको बैठक पनि अर्थमन्त्री पौडेलले राजश्व र व्ययको वार्षिक अनुमानमाथि सामान्य छलफल गरियोस्’ भन्ने प्रस्ताव पेश गर्ने र सो प्रस्तावमाथि छलफल प्रारम्भ गर्ने कार्यसूची छ ।